انا حبيت اعمل موضوع نستفيد منه كلنا يارب الاقي اقبال عليهالموضوع بتاعي عن كيفية صناعة المكياج بمواد طبيعية كل واحد عنده طريقة لصناعة كريم الاساس مثلا البودرة الروج ملمع..........الخ يكتبها هنا.انا هبدء وياريت الاقي تشجيع من بنات وسيدات المنتدي لان الموضوع ده فعلا تاعبني لاني بحب المكياج جدااااا لكن بخاف وشي يبوظ زي خالتو كانت مدمنة مكياج بس وشها باظ كانها كبيرة يجي 40 سنة وهي مكملتش 25 سنة وكل ده من ايه من كتر المكياج والله كانت بتستخدم ماركات لاكن مافيش حاجة اسمها ماركة عالمية في عالم المكياج المكياج اولا واخيرا مصنوع من مواد كميائية مدخليش حد يضحك عليكي ويقولك ده طبيعي ومعرفش ايه كل ده كلام فارغ لانك مشفتيهوش بيتصنع امامك غير لما انتي تصنعي حاجة بيدك تبقي عارفة مكوناتها وشبابك يدوم بدل متعجزي بدري بدري ولا ايه ياقمرات
نبدا بسم الله الرحمن الرحيم
صناعة احمر الخدودلصناعة احمر الخدود المواد الازمة
1. دم الغزال موجود عند اي عطار.
2. مياه.
3. علبة للحفظ يفظل ان تكون علبة بودرة فارغة او علبة احمر خدود فارغ.طريقة العمل
ولا نضع ملعة صغيرة من دم الغزال في اي كباية عندك في المطبخ وبعدين نضع قليل من الماء علشان نعمله عجينة بس لينة مش متماسكة وبعدين نصبه في العلبة الي عندنا ونتركه يجف لمدة يوم ازاي ياحلوة بقي تستعمليه هقولك...... تجيبي اسفنجة البودرة الي عندك بدرة الوجه اقصد يعني تمام كده تبلي جزء من الاسفنجة جزء صغير الجزء الي بلتيه تفضلي تدعكي به في علبةاحمر الخدود الي عملناها وبعدين تحطيه علي وشك والله العظيم جربته النهاردة وطلع روعة وخرجت بيه كمان ولله جربيها بنفس الخطوات هتطلع صحيحة لان هذا الموضوع مجهودي الشخصي ومش منقول. تنبيه اضغطي علي الاسفنجة الي بلتيها للتخلص من المياه الزائدة لان احنا عايزنها مندية مش غرقانة مية. سلام هروح انام دلوقتي واكمل بكرة.